پاکستان میں زیتون کی کاشت تاریخ تجربات اور امکانات

شبیر سومرو اور ڈاکٹر فیاض عالم کی مرتب کردہ یہ کتاب ایک جامع تحقیقی کاوش ہے جس سے نہ صرف قاری کو پاکستان میں زیتون کی کاشت کے بارے میں بہت سے تاریخی حقائق جاننے کو ملتے ہیں بلکہ عوام میں پائی جانے والی بہت سی غلط فہمیوں کا ازالہ بھی ہوتا ہے۔ کتاب میں شامل دستاویزات مستند تاریخ بیان کرتی ہیں، مگر ذاتی رائے سے گریز کیا گیا ہے تا کہ قاری کو درست معلومات ہی فراہم ہوں۔ نیز ، پاکستان بھر میں زیتون پر کام کرنے والے ثابت قدم سر کاری زرعی ماہرین سے لے کر انفرادی سطح پر کام کرنے والے کاشت کاروں کے انٹرویوز اور تجربات نے کتاب کی افادیت مزید بڑھادی ہے۔ اس لحاظ سے یہ کتاب اُن تمام افراد کیلئے مفید بن گئی ہے جو کسی بھی سطح پر اپنے علاقے

میں زیتون کاشت کرنے اور اپنی آمدن بڑھانے کے خواہش مند ہیں۔

بجا طور پر توقع کی جاسکتی ہے کہ آئندہ چند سالوں میں پاکستان زیتون کے معاملے میں خود کفیل ہو جائے گا اور اس کی درآمد پر خرچ ہونے والا قیمتی زرمبادلہ بچایا جا سکے گا۔